40700034-1

Menos color, más Aragón

Han pasau quasi dos meses dende que tomé as primeras fotos d’iste carrete. ya sabetz que a yo a película no me quema en as mans precisament y que las goso pasear por tot os costaus d’allá a on voi, sin prisa, siempre present y a vegadas muda.

 

Quan se tracta d’un carrete como iste, de blanco y negro y d’ASA100 me fa goyo disparar en intes quan bi ha prou luz u ista ye contrastada asinas que la levé de paseo por o vico d’a Madalena y Parque Gran de Zaragoza, Garrapinillos y a Sierra de Guara en Uesca.
Hese teniu as fotográfias muito antes listas ta puyar-las a o blog si no hese estau por os 30 días que tardoron en revelar-lo en a botiga, pero l’analochico ye asinas, pausau de prencipio a fin.

Escomencipiamos, con bells trozetz d´Madalena:

 

 

 

Bella cosa tan atipica como una procesión en a Madelana no podeba deixar pasar.

 

O banco frent a la nuestra portalada:

 

 

A partir d’aquí prencipian as fotos d’a ruta que facié por a Sierra de Guara, un domingo raro, d’ixos que no pareixen domingo, d’ixos que mereix a pena. La ideya yera puyar ta Sant Martín d’a Val d’Onsera ta veyer a ermita chunto a la suya cascada. Una puyada enmarcada en un diya prou bueno y millor chent da como resultau fotos como istas:

 

“¿ A craba no me mincha cosa?”

 

Os dos elementos que gubiernan o paisaje en una foto:

 

 

Lo millor sin dubda yeran os descansos ta minchar y ta beber:

 

 

Y prou que sí, cada chicota cima que coronamos, calía celebrar-lo…

 

… y posar t’a posteridad

 

 

Y asinas, china chana aconseguimos plegar en a ermita y fer sonar a campana, la qual por lo visto nos atorgaría una gran fertilidat a os nuestros espermatozoides (u bella cosa asinas creyo recordar)

 

 

y a mesma cascada pero en luenga exposición:

 

Agora ya no mas quedaba desfer lo caminau, dicir-le adiós a ista polida parte de Guara y tornar ta Zaragoza.

 

 

 

 

Una semana dimpués nos asperaba un plan muito menos canso encara que no asinas ta bells órganos internos. Como encara yera temporada de Calçots y como buen seguidor d’a dieta basada en productos de temporada, tocaba fer una calçotada ¡Que se le iba a fer!

 

 

 

 

 bella loca se coló en a fiesta…

He de dicir que en realidat se tractaba d’una calço-toga a causa d’o desvíau gusto d’os duenyos d’a casa XD

 

Se fació de nueit y a mosica nos amansó a las fieras:

 

 

 

Y pasó una atra semana y plegó un atro domingo. Un domingo mas de buen tiempo, lichero Cierzo y único diya con tiempo libre ta exprimir a Pentax.

Pillé, libro, bici y camera y me´n fuí  t’o Parque Gran a fer servir cadagún d’istes ítems.

 

 

 

 

 

 

 

Y dica aquí plegó o carrete. A cana “Lía” marcaba a fin d’ista mini-era en blanco y negro que se rematará con un atro que tiengo pendient de levar a revelar maitín.

Ista vez aspero no tardar tanto en amaneixer por aquí.
Entremistanto… ¡Agur amigos!

 

Leave a Reply